Yassin Benzia "Qarabağ"ı tərk etməyə hazırlaşır.

Axar.az Futbolinfo.az-a istinadən xəbər verir ki, 30 yaşlı yarımmüdafiəçi Ağdam klubu ilə yeni müqavilə məsələsində razılığa gələ bilmir.

Məlumata görə, Azərbaycan çempionu Əlcəzair millisinin üzvünə hazırkı məvacibindən yüksək maaş təklif edib. Lakin Benzia bu dəfə də rədd cavabı verib. Səbəb isə oyunçunun daha yüksəksəviyyəli liqa sayılan Səudiyyə Ərəbistanında oynamaq şansının olmasıdır. Ərəb ölkəsindən gələn təklifləri dəyərləndirməklə məşğul olan pleymeykerin yayda Azərbaycandan ayrılacağı gözlənilir.

Qeyd edək ki, Benzia 2023-cü ilin əvvəlindən "Qarabağ"ın formasını geyinir. Onun Premyer Liqanın lideri ilə sözləşməsi mövsümün sonuna qədərdir.