Vəli Qasımov "Neftçi"nin baş məşqçisi təsdiq olunub.

ANS-in məlumatına görə, "Neftçi" Peşəkar Futbol Klubunun inzibati binasında klubun Müşahidə Şurasının növbəti iclası keçirilib. İclasda V.Qasımov 2016/2017-ci illər mövsümü üçün "Neftçi"nin baş məşqçisi vəzifəsinə təsdiq olunub.

İclasda həmçinin klubun növbəti mövsüm üçün büdcəsi də detallı şəkildə müzakirə edilib.

Vəli Qasımov 10 aprel 1968-ci ildə Gəncə şəhərində anadan olub. Karyerasında "Dinamo" (Moskva), "Spartak" (Moskva), "Real Betis", "Vitoriya" (Setubal) kimi klubların şərəfini qoruyub. 1992-ci il Rusiya premyer liqasında bombardir olub.

Azərbaycan yığma komandasının məşqçisi Berti Foqtsun köməkçisi və 19 yaşadək futbolçulardan ibarət Azərbaycan millisinin çalışdırıcısı olub.