Türkiyənin tanınmış baş məşqçisi Bülənt Uyğunun qızı vəfat edib.

Axar.az Teleqraf-a istinadla istinadla xəbər verir ki, bir müddətdir reanimasiyada müalicə alan Türkiyə Futbol Federasiyasının (TFF) əməkdaşı Almina Tude Uyğun 29 yaşında şəkərli diabet xəstəliyindən dünyasını dəyişib.

Almina Tude Sakaryanın Sapanca vilayətində dəfn olunub. İdarə işləri üzrə mütəxəssis kimi çalışan Tude Uyğunun dəfninə ailəsi və yaxınları ilə yanaşı, TFF-nin I vitse-prezidenti Mecnun Otyakmaz, Türkiyə Böyük Millət Məclisinin keçmiş sədri İsmet Yılmaz və idman ictimaiyyətinin bir çox tanınmış şəxsləri qatılıb.

Bülənt Uyğun qızının ölüm xəbərini Antalyada qatıldığı tədbirdə öyrənib.

Qeyd edək ki, ötən ilin dekabrında qədər “Sivaspor”da çalışan Bülənt Uyğun karyerası boyu “Çaykut Rizespor”, “Denizlispor”, “Kayserispor”, “Eskişehirspor”, “Elağıspor” kimi klublarda işləyib. 54 yaşlı mütəxəssisin rəhbərliyi altında vaxtilə azərbaycanlı futbolçular da çıxış edib. O, 2010-2011-ci illərdə “Eskişehirspor”da Rəşad Sadıqovun, 2007/2008-ci illərdə “Sivasspor”da İlqar Qurbanovun baş məşqçisi olub.