Macarıstanın boks yığmasının üzvləri Milan Fodor və Barsoni Bernard Məhəmməd Əlidən təsirlənərək islam dinini qəbul edib.

Axar.az "Anadaolu Agentliyi"nə istinadən xəbər verir ki, boksçular Türk-Macar Dərnəyinin təşkil etdiyi iftara qatılıblar.

"Müsəlman olmazdan öncə Məhəmməd Əliyə pərəstiş edir və onu kumirim kimi görürdüm. Müsəlman olmağımda Məhəmməd Əlinin böyük rolu var", - Fodor bildirib.

Barsoni Bernard isə Ramazan ayının onu çox təsirləndirdiyini deyib:

"İslamda insanların acların vəziyyətini anlamaq üçün isti havalarda oruc tutması məni çox təsirləndirdi".

Xatırladaq ki, əfsanəvi boksçu Məhəmməd Əli iyunun 3-də 74 yaşında vəfat edib.