Məhəmməd Əlinin yaxın dostu Əbdülmalik Mücahid əfsanəvi boksçunun ən böyük qorxusunu açıqlayıb.

Axar.az xəbər verir ki, Türkiyə mətbuatına müsahibə verən Mücahid Məhəmməd Əli ilə bağlı maraqlı məqamlardan danışıb. O, Əlinin Allaha olan sevgisindən söz açıb:

"Günlərin birində ondan həyatda ən çox nədən qorxduğunu soruşdum. Əvvəlcə, zarafatyana həyat yoldaşını göstərdi. Sonra "Ən çox Allahın məni cənnətə layiq bilməməsindən qorxuram", - dedi. Bir dəfə də ona "sənin dünyada ən böyük olduğunu deyirlər, buna münasibətin necədir" - sual verdim. Üzünü mənə çevirib "Yox, ən böyük Allahdır. Mən ən böyük boksçuyam sadəcə" cavabını verdi".

Qeyd edək ki, bütün zamanların ən yaxşı boksçusu Məhəmməd Əli iyunun 3-ü 74 yaşında vəfat edib.