Türkiyə millisinin kapitanı Arda Turan Xorvatiya ilə görüşdən sonra jurnalistlərin suallarını cavablandırıb.

Axar.az xəbər verir ki, qrupu adlamaq üçün mübarizəni davam etdirəcəklərini deyən Arda məğlubiyyət səbəbindən türk xalqından üzr istəyib:

"Türk xalqından üzr istəyirəm. Özümüzü toplamalıyıq. Komanda yoldaşlarım yaxşı mübarizə apardı. Amma daha yaxşı ola bilərdik. Ümid edirəm ki, İspaniyaya qarşı daha yaxşı oyun sərgiləyəcəyik. Biz sona qədər mübarizə aparacağıq. Çətin rəqiblərlə çətin qrupdayıq. Ümidimizi son matça qədər itirməyəcəyik. Bəzən oyunumuz alınmır, bu, normaldır. Bu gün də belə oldu".

Xatırladaq ki, bu gün Türkiyə millisi Xorvatiya ilə qarşılaşıb. Matçın 41-ci dəqiqəsində vurulan qolla xorvatlar minimal hesablı qələbə qazanıblar.