Türkiyə millisinin baş məşqçisi Fatih Terim İspaniya ilə görüş öncəsi jurnalistlərin suallarını cavablandırıb.

Axar.az xəbər verir ki, təcrübəli məşqçi ispanlara qarşı fərqli oyun nümayiş etdirəcəklərini deyib:

"Hamımızın gözlədiyi Türkiyə İspaniya ilə qarşılaşmada meydanda olacaq. Xorvatiya ilə qarşılaşmada məğlubiyyətdən çox pis oyun göstərdik və bununla barışmaq bizi üzdü. Futbolçularımızın problemləri var. Transferi davam edən, şəxsi həyatında problem olan futbolçularımız var. Ozan Tufanın saçı, Əmrə Morun Modriçlə şəkil çəkdirməsi gündəm olur, bunu anlaya bilmirəm. Buradan böyük klublara 3-5 oyunçu vermək məni xoşbəxt edər. Bu şans bir də ələ keçməyəcək. Futbolçuları bir günə seçməmişəm. Odur ki, qərarlarımla bağlı peşmanlıq keçirmirəm".

Xatırladaq ki, Türkiyə-İspaniya matçı iyunun 17-də Nis şəhərində yerləşən "Alyans Riviera" stadionunda baş tutacaq.