Arda Turan Çexiya ilə oyundan sonra böyük ehtimalla Türkiyə yığmasından ayrılacaq.

Axar.az "Sabah" qəzetinə istinadən xəbər verir ki, bunu türkiyəli məşhur futbol şərhçisi Şansal Büyükada söyləyib. Onun sözlərinə görə, hazırda Türkiyə yığmasının daxilində parçalanma yaratmaq istəyən şəxslər var:

"Komanda daxilindən xəbərlər gəlir və əksəriyyəti də doğrudur. Bəzi şəxslər var ki, milli komanda daxilində parçalanma yaradırlar. Onlar baş məşqçiyə qarşı öz tərəfdarlarının sayını artırırlar. Əgər Fatih Terim 2018-ci il dünya çempionatına getmək istəyirsə, o zaman hazırkı heyətin yarısını özü ilə aparmamalıdır".