16:20

Bu gün Avro-2016-da 1/8 finalın daha 3 qarşılaşması keçiriləcək.

Publika.az xəbər verir ki, turnirin əsas favoritlərindən hesab olunan Fransa ən yaxşı 3-cülərdən biri olan İrlandiyayla qarşılaşacaq. İtaliya yığmasının "hədiyyəsi" hesabına 1/8 finala adlayan "Yaşıl oğlanlar"ın burdan o tərəfə getmələri sadəcə, möcüzə olar.

Almaniya – Slovakiya cütlüyü haqqında da eyni sözləri demək olar. Çempionluğa iddia edən Yoahim Lövün komandası üçün Slovakiya arzulanan rəqibdir. Bundestim hələ ki, qapısında top görməyib.

Avropa çempionatının sürpriz komandası olan Macarıstan hələ də öz oyununu sərgiləyə bilməyən Belçika ilə qarşılaşacaq. Həm macarlar, həm də Belçika sürətli və məhsuldar futbol sərgiləyir.

AÇ-2016. 1/8 final

26 iyun

17:00 Fransa - İrlandiya

Baş hakim: Nikola Ritsoli (İtaliya)

Lion. Şəhər stadionu

20:00 Almaniya - Slovakiya

Baş hakim: Şimon Marçinyak (Polşa)

Lill. "Pyerr Morua" stadionu

23:00 Macarıstan – Belçika

Baş hakim: Milorad Maziç (Serbiya)

Tuluza. Şəhər stadionu

***

Fransa-İrlandiya görüşündə hesab açıldı. Görüşün 2-ci dəqiqəsində irland hücumçu Robbi Bredi 11 metrlik cərimə zərbəsini dəqiq yerinə yetirərək İrlandiyanı irəli çıxardı.