"Finiks Sans" və Devin Buker rekord məbləğdə müqavilənin razılığını əldə ediblər.

Axar.az xəbər verir ki, "Sans" ulduz basketbolçu ilə iki ili 145 milyon dollarlıq müqavilə imzalayacaq. 72.5 milyon dollarlıq orta əməkhaqqı "Oklahoma Siti"nin müdafiəçisi Şey Gilgs-Aleksanderin son müqaviləsini (71.25 milyon dollar) üstələyir.

Ümumilikdə Buker komanda ilə növbəti 5 il ərzində təxminən 316 milyon dollar qazanacaq.

Tərəflər müqavilənin müzakirəsini çərşənbə günü axşam Las-Veqasda Devin Buker və klub sahibi Met İşbiya arasında görüş zamanı yekunlaşdırıblar.

Buker Finiksdə 10 mövsüm oynayıb, onun ən yaxşı nailiyyəti 2021-ci ildə NBA finalına yüksəlməsi olub. Ötən mövsüm müdafiəçinin orta göstəriciləri 25.6 xal, 4.1 ribaund və 7.1 məhsuldar ötürmə təşkil edib.