Hindistan Azərbaycandan mayeləşdirilmiş təbii qaz (LNG) almaq istəyir.

Axar.az APA-ya istinadla xəbər verir ki, bunu Hindistanın “Bharat Petroleum” şirkətinin LNG üzrə bölməsinin rəhbəri Pandiyan T.V. Qoa şəhərində keçirilən Hindistan Enerji Həftəsi çərçivəsində deyib.

“Bharat Petroleum” şirkətinin bölmə rəhbəri qeyd edib ki, Hindistanın dövlət neftayırma şirkəti Azərbaycan Dövlət Neft Şirkəti (SOCAR) ilə mayeləşdirilmiş təbii qaz alınması barədə danışıqlar aparır. Şirkət eyni zamanda təchizatın şaxələndirilməsi üçün ABŞ-dan da ucuz qiymətə LPG almağı planlaşdırır və bununla əlaqədar tender elan edib”, - Pandiyan bildirib.