12:00

Türkiyədə dollar yenidən tarixi maksimumu yeniləyib.

Axar.az xəbər verir ki, hazırda 1 dollar 3,5296 lirəyə qalxaraq rekordu təzələyib.

Maraqlıdır ki, OPEK-in 30 noyabr Vyana görüşündə neft hasilatının günlük 1,2 milyon barrel azaldılması qərarının ardınca neftin dünya birjalarında kəskin bahalaşması fonunda Rusiyada dolların ciddi ucuzlaşması müşahidə edilmir. Bu gün birjalarda “Brent” markalı neftin təxminən 53,5 dollara satılmasına baxmayaraq (gün ərzində cəmi 0,5 dollarlıq ucuzlaşma olub), Moskva birjasında dollar nisbətən bahalaşıb və 64,22 rubla qalxıb.

Qonşu İranda isə dolların kəskin ucuzlaşması müşahidə edilir. Bu gün 1 dollar ötən günlə müqayisədə 130 tümən ucuzlaşaraq, 3800 tümənə düşüb.