"Ukrayna hələlik Rusiya qazından imtina edə bilməz".

Axar.az xəbər verir ki, bu sözləri Ukraynanın Baş naziri Arseni Yaçenyuk yerli telekanallardan birinə müsahibə verərkən söyləyib.

Baş nazir əlavə olaraq Rusiyadan 7 milyard kubmetr qaz almaq məcburiyyətində olduğunu vurğulayıb:

"Ukrayna texnologiyası Rusiya qazından imtina etmək dərəcəsində inkişaf etməyib. Hətta bu qışı başa vurmaq üçün Rusiyadan əlavə 7 milyard kubmetr qaz almalıyıq".

Xatırladaq ki, daha əvvəl Baş nazir "Neftqaz"la "Qazprom" arasında danışıqlar aparıldığını və Rusiyanın Ukraynaya qazın verilməsini daynadırmayacağını bildirmişdi.