Bu gün vətəndaş cəmiyyətinin üzvləri Avropa Birliyinin Bakı nümayəndəliyində Avropa Komissiyasının Prezidenti Jose Barozzo ilə görüşüblər. Bu barədə Axar.az-a məlumat verən iqtisadşı Vüqar Bayramov görüşdə müxtəlif iqtisadi və siyasi məsələlərin müzakirə edildiyini bildirdi:

"Görüş Çərtam Hauz prinsipi ilə keçirildiyi üçün müzakirə edilən məsələlərlə bağlı hər hansı məlumat verməyimiz mümkün deyil. Bununla belə, görüşdə mən iqtisadi və eləcə də diverfikasiya məsələlərinə toxundum. İqtisadi diverfikasiya yalnız iqtisadi inkişafın daha dayanıqlığa nail olunması deyil, eyni zamanda avro-inteqrasiya baxımdan vacibdir".

V.Bayramov bu aspektdən elektron hökumətin təşkili ilə bağlı islahatların davam etdirilməsini əhəmiyyətli sayıb. Onun fikrincə, Dünya Ticarət Təşkilatına üzvlüyün də sürətləndirilməsi zəruridir.

"Görüşdə eyni zamanda bir sıra ekspertlərin Azərbaycanın Rusiyadan maliyyə və ya iqtisadi asılılığının olması fikiri ilə razılaşmadığımı bildirdim. Rusiyada yaşayan həmyerlilərimiz il ərzində ölkəmizə 1 milyard dollar vəsait göndərir. Bu, Azərbaycanın Ümumi Daxili Məhsulunun 1,5 faizindən də azdır. Bu baxımdan, ölkəmizdə "remitənsi asılılığı" problemi yoxdur".