"Belorusiya hakimiyyəti Ukraynadan olan qənnadı məmulatlar üçün lisenziya tələblərini tətbiq edərək bazarı bağlayıb. İndi Ukraynadan olan məmulat Belorusiya istehsalı olan "Spartak"dan daha ucuz qiymətə satılmayacaq".

Axar.az xəbər verir ki, bu barədə Ukrayna mətbuatı informasiya yayıb. Mətbuat Belorusiyanın Ukrayna üçün ən böyük bazarlardan biri olduğunu bildirib. Təkcə ötən il bu ölkəyə ixrac edilən məhsulun həcminin 70 milyon dollar təşkil etdiyini qeyd edib.

Kiyev artıq Belorusiyaya ötürülən məhsullara qoyulacaq qadağa nəticəsində külli miqdarda itkilərin olacağını proqnozlaşdırdığını söyləyib. Mətbuat yeni bazarların tapılmasının rəsmi Kiyev üçün əsas problemlərdən birinə çevriləcəyini də istisna etməyib.