Avstraliya Ukraynadakı hadisələrə görə, 50 nəfər rus və 11 təşkilata qarşı sanksiya tətbiq edib.

Axar.az xəbər verir ki, sanksiyalar bu gündən qüvvəyə minib.

Avstraliyanın qara siyahısına Rusiya prezidentinin müşaviri Serqey Qlazyov, Federasiya Şurasının rəhbəri Valentina Matvienko, senator Andrey Klişas, Dövlət Dumasının spikeri Sergey Narışkin, deputatlar Yelena Mizulin və Aleksey Puşkov, baş nazirin müavinləri Dmitri Roqozin və Dmitri Kozak, Putinin köməkçiləri Vladislav Surkov, Vladimir Kojin, Andrey Fursenko, Rusiya Prezident Administrasiyasının rəhbəri Sergey İvanov, PA rəhbərinin müavinləri Vyaçeslav Volodin və Aleksey Qromov, Krım rəhbəri Sergey Aksenov, rus biznesmenlər Yuri Kovalçuk, Arkadi və Boris Rotenberqlər, Gennadi Timçenko, Rusiya Dəmir Yoları ASC-nin rəhbəri Vladimir Yakunin, həmçinin qondarma Luqansk və Donetsk Xalq Respublikalarının liderləri düşüb.

Sanksiya tətbiq olunanlar arasında "Bank Rossiya", "İnvestKapitalBank", "SMP-Bank", "Stroyqazmontaj" ASC, "Avia Qrup Nord", "Stroytransqaz qrup", "Volqa-Qrup" "Çernomorneftqaz" və digər şirkətlər də var.

"Ukraynanın ərazi bütövlüyü və suverenliyini təhlükə altına atdıqları üçün 50 nəfərə və 11 şirkətə qarşı tətbiq olunan sanksiyalar qüvvəyə minib", - deyə məlumatda bildirilib.