Azərbaycanlı iş adamı, Rusiyanın "Lukoyl" neft şirkətinin sahibi Vahid Ələkbərov Krımdakı yanacaqdoldurma məntəqələrinin satışını başa çatdırıb.

Axar.az xəbər verir ki, bu barədə Ələkbərovun özü "Vedomosti" qəzetinə verdiyi müsahibəsində deyib.

Ələkbərovun sözlərinə görə, satış Krım rəhbərliyinin müraciətindən sonra həyata keçirildi: "Krımın baş naziri Aksenov xırda və orta biznesin inkişaf etdirilməsi üçün yanacaqdoldurma məntəqələrini satmağımızı xahiş etdi. Və biz bunu etdik Alıcının adını deməyəcəm. O bir nəfərdir".

"Lukoyl" rəhbəri onu da qeyd etdi ki, Krımdakı çətin vəziyyətlə əlaqədar olaraq yanacaqdoldurma məntəqələri ucuz qiymətlə satılıb.