İnvestorlar son bir həftə ərzində dünyada Rusiya aktivlərinə yönələn investisiya fondlarından 91,4 milyon dollar vəsaiti geri götürüblər.

Axar.az xəbər verir ki, Epfr.com saytı bu göstəricinin noyabrın sonlarında bu fondlardan çıxarılan investisiyadan (12,5 milyon dollar – red.) 7,3 dəfə çox olduğunu yazıb.

Qeyd edək ki, bundan öncə Rusiya Mərkəzi Bankı cari ilin yanvar-oktyabr aylarında Rusiyadan kapital axınının 2,8 artaraq 23,8 milyard dollara çatdığını bildirib. Rusiya İqtisadi İnkişaf Nazirliyi isə bu il kapital axınının 20 milyard dollar səviyyəsində olacağını proqnozlaşdırıb.

Rusiyadan indiyə qədər ən çox kapital axını 2014-cü ildə olub. Həmin il ölkədən kapital 153 milyard dollar çıxarılıb.