Bu iri nəhəng bir layihə ilə Azərbaycan dünyada artıq qaz ixrac edən ölkəyə çevrilir.

Axar.az xəbər verir ki, bunu Energetika naziri Pərviz Şahbazov Cənub Qaz Dəhlizi Məşvərət Şurasının mətbuat konfransında deyib.

Onun sözlərinə görə, Azərbaycan illər boyu neft ölkəsi kmi beynəlxalq aləmdə tanınıb:

"Ölkəmiz neft ixracatçısı olmaqla yanaşı, qaz ixracatçısı kimi tanınır. Bu gün dünyada qaza ehtiyac artmaqdadır. Qaz rezevrlərini nəzərə alaraq qazın Avropaya nəğl edilməsi bizim üçün prioritet layihədir. Biz neft və qaz sahəsində infrastrukturun şaxələnməsində böyük naliyyətlər əldə etmişik. Birbaşa dənizə çıxışı olmayan Azərbaycan Cənub Qaz Dəhlizi layihəsini həyata keçirməklə Avropa bazarına çıxış əldə edib".

Nazir qeyd edib ki, Azərbaycanın effektiv enerji siyasəti var: "Azərbaycan özü etibarlı tərəfdaşdır və uzunillər həyata keçirilən siyasət nəticəsində etibarlı tərəfdaşlar əldə edib. Bu bizim uğurumuzdur".