Paytaxtda bir kvadratmetri 15 minə torpaq satılır. Bu o deməkdir ki, 10 sot torpaq həmin yerdə 15 milyon manatdır.

Axar.az xəbər verir ki, əmlak ekspertləri bu torpaqların harda olduğunu "Xəzər Xəbər"ə açıqlayıblar.

Ekspert Nofəl Quliyev bildirib ki, kvadratmetrlə torpaq satışı ancaq elit yerlərdə ticarət mərkəzlərində olan sahələrə aiddir. Belə yerlərdə bir kvadratmetr ərazi 5 min manata təklif olunur.

Onu da qeyd edək ki, hazırda ən bahalı torpaq satılan ərazilər Nərimanov rayonunda, Badamdar qəsəbəsində və Səbail rayonunun bəzi ərazilərindədir. Bu yerlərdə torpağın bir sotunun qiyməti 200-300 min manat arasında dəyişir.