Ana səhifə İqtisadiyyat |
Millət vəkillərinin Palatanın fəaliyyəti ilə bağlı irəli sürdükləri təkliflər, fikirlərə görə təşəkkür edirəm.
Axar.az xəbər verir ki, bu sözləri Hesablama Palatasının sədri Vüqar Gülməmmədov Milli Məclisdə Palatanın 2017-ci il hesabatı və təkliflərinə münasibət bildirərkən deyib.
Sədr millət vəkillərinin bir sıra təklifləri ilə razılaşdığını deyib:
“Millət vəkilləri Qüdrət Həsənquliyev və Vahid Əhmədovun Hesablama Palatasının qiymətləndirmələrində audit olunan obyektin yol verdiyi pozuntularla bağlı ictimaiyyətin məlumatlandırılması fikirləri ilə razıyam. Bu, haqlı təklifdir.
Ötən il 18 milyon manatın dövlət büdcəsinə bərpasına nail olmuşuq, bunun üzərinə səmərəsiz xərcləri və digər vəsaitləri əlavə edirik. Lakin bəzi vəsaitlər var ki, onları bərpa etmək mümkün olmur. Büdcədən kənar fondların fəaliyyəti daim bizim nəzarətimizdədir. Lakin bu qurumlarda xərclər üzərində yalnız seçmə üzrə yoxlama aparırıq”.
Tarix
2018.05.18 / 13:59
|
Müəllif
Axar.az
|