Avropa Birliyinin Ukraynaya assosiativ müqavilə çərçivəsində Ukraynaya təklif etdiyi maliyyə yardımı əsl "Marşall planı"dır.

Axar.az UNİAN-a istinadən xəbər verir ki, bu barədə Estoniya Prezidenti Tomas Hendrik İlves deyib.

"Gələn həftə Ali Rada və Avropa Parlamentində müqavilənin ratifikasiyası baş tutacaq. Müqavilə artıq imzalanıb, onda dəyişiklik olmayacaq", - prezident bildirib.

Eston prezident Avropa Birliyinin Ukraynaya ayıracağı maliyyə yardımından da danışıb: "Avropa üçün o vaxtkı "Marşal planı" maliyyə yardımı və Avropa malları üçün Amerika bazarlarının açılması idi. Ukrayna üçün nəzərdə tutulan 12 milyard avro elə də az maliyyə yardımı deyil. Ukrayna ilə Avropa Birliyi arasındakı yardım həmin "Marşal planı"na bənzəyir. Onsuz da assosiativ müqavilə Ukrayna mallarının Avropa bazarlarına açılması deməkdir".