"Məsələ ilə əlaqədar olaraq PAŞA Bank artıq Türkiyənin Bankların Tənzimləmə və Nəzarət Təşkilatına (BTNT) müvafiq müraciət edilib".

Bunu Axar.az-a PAŞA Bankın Türkiyədə yeni bank açması ilə bağlı səsləndirilən fikirlərə aydınlıq gətirən PAŞA Bankın mətbuat xidmətinin rəhbəri Əmir Məmmədov bildirib. Ə.Məmmədov müraciətin nəticələri ilə bağlı tezliklə məlumat verəcəyini bildirdi :

"Müraciət prosesinin tələblərini nəzərə alaraq, PAŞA Bank müraciətinə baxılan müddət ərzində məsələ ilə əlaqədar hər hansı rəsmi və ya qeyri rəsmi bəyannamə ilə çıxış etməyəcək. Müraciətin nəticələri haqqında məlumat proses başa çatan kimi KİV-lərə müvafiq qaydada təqdim olunacaq və bütün maraqlandırılan suallara cavab veriləcək"