Rusiyanın İqtisadiyyat naziri Aleksey Ulyukayev 2015-ci ilə inflyasiya riskinin yüksək olmadığını, ölkənin ciddi addımlar atacağı təqdirdə bu vəziyyətindən çıxmağın mümkün olduğunu bildirib.

Axar.az xəbər verir ki, 2015-ci il üçün 5,5 faiz olaraq nəzərdə tutulan inflyasiya rəqəminin artma ehtimalının olduğunu deyən Ulyukayev 2014-cü ildə bu rəqəmin daha da aşağı olacağını bildirib.

Qərb ölkələrinin Ukrayna böhranına görə, Rusiyaya qarşı yeni sanksiyalar tətbiq edəcəyini gözləmədiklərini deyən nazir mövcud sanksiyaların hələ uzun zaman Rusiya iqtisadiyyatına mənfi təsir edəcəyini qeyd edib.
Rus nazir 2015-ci ildə sanksiyaların hamısının aradan qaldırılacağını gözlədiklərini bildirib: "Rusiya iqtisadiyyatı sanksiyaların təsirinin hələ 2016-2017-ci illərdə hiss edəcək. Biz sanksiyalara qarşı hazırlıq görməliyik. Bu cür addımlar məhsuldar nəticələr ortaya qoymur. Belə getsə iqtisadiyyatda çox mənfi nəticələr görə bilərik".