Mərkəzi ofisi Moskvada yerləşən dövlətlərarası beynəlxalq "Mir" telekanalının xəbərlər buraxılışında sentyabrın 20-də təntənəli surətdə təməli qoyulan Cənub Qaz Dəhlizindən süjet efirə verilib.

Axar.az sözügedən telekanala istinadən xəbər verir ki, video-görüntüdə enerji təhlükəsizliyi məsələsində Azərbaycanın regionda oynadığı önəmli roldan bəhs edilib.

Daha sonra Azərbaycan Prezidenti İlham Əliyevin layihə barədə fikirləri və Cənub Qaz Dəhlizinin reallaşmasında Avropa ölkələrinin iştirakı barədə dövlət başçısının açıqlamasına yer ayrılıb.

Qeyd edək ki, xəbərdə həmçinin layinənin statistik göstəricilərinə və onun perspektivinə diqqət yetirilib.