Türkiyənin "Adali Holdinq" investisiya şirkəti Türkiyədəki Krım tatarları Assosiasiyasının dəstəyilə Krıma sərmayə yatırmaq niyyətindədir.

Axar.az xəbər verir ki, bu barədə gazeta.ru saytı məlumat yayıb.

Məlumata görə, şirkət dövlət tenderlərində iştirak etmək və investisiyalar yatırmaq istəyir. Bura infrastruktur, enerji, mülkiyyət və turizm sahələri daxildir.

Qəzet bildirir ki, Rusiya Krım İşləri üzrə Nazirliyin rəsmiləri yarımadaya investisiya yatırılması imkanları barədə türk nümayəndə heyəti ilə müzakirələr aparıblar. Türk nümayəndə heyətinin tərkibində Türkiyə Krım tatarları Assosiasiyasının və "Adali" şirkətinin nümayəndələri də olub.

Rusiyanın Krım işləri üzrə nazir müavini Vadim Tretyakov da məlumatı təsdiqləyib.