"Ukraynadan fərqli olaraq, Avropa rus qazından çox da asılı deyil".

Axar.az xəbər verir ki, bunu rusiyalı siyasi analitik Viktor Ukolov söyləyib.

O, Ukraynanın rus qazının digər alıcıları ilə sıx əməkdaşlıq etməsinin "Qazprom" üçün son dərəcə narahatlıq doğurduğunu deyib:

"Avropa "Qazprom"un təchizatından asılı olduğu kimi, "Qazprom" da alıcılarından asılıdır. Ukraynanın rus qazının digər alıcıları ilə sıx əməkdaşlıq etməsi "Qazprom" üçün son dərəcə narahatlıq doğurur. Onlar bazarı itirə bilərlər. Ukraynadan fərqli olaraq, Avropa rus qazından çox da asılı deyil. Dövlət Dumasının Avropadan Ukraynaya qazın təchiz edilməsini qadağan edən qanunu qəbul etmək niyyəti Rusiyanın sanksiyalara reaksiya verməsini sübut edir".