Ana səhifə İqtisadiyyat |
Danimarkanın “Sakso Bank”ı gələn il dünya iqtisadiyyatına böyük təsir göstərəcək “ən az ehtimal olunan hadisələr”in siyahısını təqdim edib.
Axar.az xəbər verir ki, bankın hesabatında gələn il ABŞ Prezidenti Donald Trampın Federal Ehtiyat Sisteminin rəhbəri Cerome Paueli istefaya göndərəcəyi yer alıb. Bu addım 2019-cu ilin yayında ABŞ iqtisadiyyatında dərin uçurumun yaranmasına səbəb ola bilər.
Digər ssenariyə əsasən isə “Əpl” şirkəti “Tesla” elektrik avtomobil istehsalçısını şirkətin öz dəyərindən 40% yüksək alacaq. Bundan sonra “Əpl” Avropa və Çində elektromobil istehsalı zavodu tikəcək ki, bu da onun elektromobil istehsalında lider olmasına gətirib çıxaracaq.
“Sakso Bank” həmçinin gələn il nəqliyyat vergisinin tətbiq olunacağını və nəticədə daşımaların qiymətinin artacağı da vurğulayıb. Digər şoka salan proqnozların isə kosmik gəmiləri sıradan çıxaracaq Günəş burulğanları, Breksitlə bağlı təkrar səsvermə və Almaniya iqtisadiyyatında durğunluq olacağı bildirilib.
Bir daha qeyd edək ki, bu, ən az ehtimal olunan “şok proqnozlar”dır.
Tarix
2018.12.04 / 17:25
|
Müəllif
İlkin Həsənov
|