Ümid edirəm ki, neftin əhəmiyyətli miqdarda ixtisarına ehtiyac yaranmayacaq.

Axar.az xəbər verir ki, bunu “Blumberq” agentliyinə müsahibəsində “Lukoyl”un rəhbəri Vahid Ələkbərov deyib. Onun sözlərinə görə, əgər Rusiya “OPEK+” çərçivəsində ixtisara razılıq versə, o zaman “Lukoyl” bunu yerinə yetirməli olacaq.

O, 60 dollarlıq qiymətin həm istehsalçı, həm də idxalatçını qane etdiyini bildirib:

“Əgər Rusiya ixtisara razılaşsa, bizə 3-4 ay lazım olacaq ki, öz istehsalımızı istənilən səviyyəyə endirək. Bununla belə, biz gələn il hasilatımızı 1% artırmağı planlaşdırırdıq, amma görünür, planlarımızda korrektə etməli olacağıq”.

Qeyd edək ki, ötən gün Vyanada Vyanada OPEK Nazirlərinin Birgə Monitorinq Komitəsinin 12-ci iclasında 2019-cu ildə hasilatın azaldılması barədə ilkin razılıq əldə olunduğu bildirilib.