Rusiya banklarına Ukraynadakı bilavasitə və bilvasitə risklərdən dəyən ziyanın həcmi 12,5 milyarddan 25 milyard dollara çata bilər.

Axar.az xəbər verir ki, bu barədə "Kommersant" qəzeti bank bazarındakı mənbələrinə əsaslanaraq məlumat yayıb.

Məlumata görə, Rusiya banklarına dəyən ziyanın ümumi məbləği Rusiya Baş naziri Dmitri Medvedyevin iri bank nümayəndələrinin iştirakı ilə keçirdiyi qapalı müşavirədə açıqlanıb.

Bankların Ukraynadakı potensial itkiləri ilk dəfə deyil ki, qiymətləndirilir. Lakin indiyədək bu hesabları Ukraynada iri törəmə filialları olan banklar və ya reytinq agentlikləri təqdim edirdilər. Daha çox Əmanət bankı, VTB Bank, Alfa - Bank qrupu və s. öz itkilərini açıqlayıb.