"Qazprom" nümayəndə heyəti Brüsseldə Rusiya-Ukrayna-Avropa Birliyi arasında keçirilən üçtərəfli qaz danışıqlarını tərk edərək, Moskvaya qayıdıb.

Axar.az RİA Novosti-yə istinadən xəbər verir ki, bu barədə "Qazprom"un rəsmi nümayəndəsi Sergey Kupryanov məlumat verib.

"Danışmağa nəsə olsa qayıdacağıq. Avropa Komissiyası Ukrayna ilə bəzi maliyyə məsələlərini qaydaya salmalıdır. Bunlar olmasa üçtərəfli danışıqları davam etdirmək mənasızdır", - Kuporyanov bildirib.

Jurnalistlərin, "Qazprom"un yaxın müddət ərzində danışıqları davam etdirmək planları varmı?" sualına şirkət rəsmisi belə cavab verib:

"Yox, biz Ukrayna-Avropa Birliyi ikitərəfli protokolunda dəyişiklik gözləyirik, ondan sonra biz uçacağıq. Bu, bu gün də baş verə bilər".