Qazaxıstanda cari ilin oktyabrında əvvəlki aylarla müqayisədə inflyasiya 0,4% təşkil edib.

Axar.az RİA Novostiyə istiinadla bildirir ki, bu barədə Milli İqtisadiyyat Nazirliyinin statistika komitəsi məlumat yayıb.

Ötən ay ərzaq və qeyri-ərzaq məhsullarının qiyməti 0,5%, ödənişli xidmətlər isə 0,2% bahalaşıb.

İlin əvvəlindən (2013-cü ilin dekabrı ilə müqayisədə 2014-cü ilin oktyabrı) qiymətlər 6,3% artıb. Bununla yanaşı, ərzaq məhsullarının qiyməti 6,1%, qeyri-ərzaq məhsullarının qiyməti 7,3%, xidmətlərin qiyməti isə 5,6% bahalaşıb.

İllik inflyasiya isə 2013-cü ilin oktyabrı ilə müqayisədə 7,6% təşkil edib.