Ana səhifə İqtisadiyyat |
"Dünya Bankı Azərbaycanın əsas tərəfdaş beynəlxalq institutlarından hesab edilir".
Axar.az xəbər verir ki, bu açıqlama ilə iqtisadçı ekspert Vüqar Bayramov öz Feysbuk səhifəsində çıxış edib.
O, Dünya Bankının vitse-prezidenti ilə görüşündə diversifikasiya məsələlərini müzakirə edə biləcəklərini söyləyib:
"Bu gün Bakıda səfərdə olan Dünya Bankının (DB) vitse-prezidenti Lora Tak ilə görüşüm olacaq. Təbii ki, dünyanın aparıcı beynəlxalq təşkilatının aparıcı şəxslərindən birinin ölkəmizə gəlməsi yüksək qiymətləndirilməlidir. Görüşdə daha çox Azərbaycan iqtisadiyyatında diversifikasiya məsələlərinin müzakirə ediləcəyi gözlənilir. Dünya Bankı Azərbaycanın əsas tərəfdaş beynəlxalq institutlarından hesab edilir. Bununla yanaşı, xarici maliyyə resurslarına ciddi ehtiyacı olmayan Azərbaycan üçün indiki mərhələdə daha çox beynəlxalq təşkilatların iqtisadiyyatın şaxələndirilməsi ilə bağlı konsaltinq xidmətindən faydalanmaqdır. Bu baxımdan, bugünkü görüşdə də məhz Dünya Bankının iqtisadi diversifikasiyanın sürətləndirilməsində rolunun artırılması, qeyri-neft sektorunda müqayisəli üstünlüklərə malik olan istiqamətlərin müəyyənləşdirilməsi və modelləşdirilməsi, eləcə də dayanıqlı inkişaf modelinin dəstəklənməsi məsələlərinə diqqət ayıracağam. Qarşılıqlı müzakirələrin və breyn stormların hər iki tərəf üçün faydalı olacağına əminəm".
Tarix
2014.11.04 / 16:26
|
Müəllif
İlkin Həsənov
|