BP şirkəti və onun tərəfdaşları Azərbaycanda nəhəng qaz yatağının işlənilməsinə 28 milyard dollar investisiya yatırıblar və bu, yalnız tarixin başlanğıcı ola bilər.

Axar.az xəbər verir ki, bunu “Blomberq”ə müsahibəsində BP-nin Azərbaycan, Gürcüstan və Türkiyə üzrə regional prezidenti Herri Cons deyib. Onun sözlərinə görə, şirkət 2020-ci ilə qədər Azərbaycanda yeni altı kəşfiyyat quyusu qazmağı planlaşdırır. O, gözləntilərin özünü doğruldacağı təqdirdə BP-nin “Şahdəniz”ə bərabər həcmdə yeni qaz yatağı aşkarlayacağını bildirib:

“Braziliya ilə bərabər Azərbaycan da yaxın bir neçə ildə bizim fəaliyyətimiz üçün prioritet istiqamətlərdən biridir. Bizim üçün bu kəşfiyyat proqramı çox vacibdir, ona görə ki, biz Xəzərdə böyük potensial görürük. BP-nin bu il quyu qazmağı planlaşdırdığı “Şəfəq-Asiman” strukturundakı ehtiyatlar “Şahdəniz” yatağındakı ehtiyatlara bərabər ola bilər. Strukturda qazmanı 2019-cu ilin sonuna planlaşdırırıq”.