Ana səhifə İqtisadiyyat |
Gürcüstan hökuməti “Qazprom”la mövcud kontraktın müddətinin uzadılması ilə bağlı danışıqlar aparır.
Axar.az xəbər verir ki, bunu jurnalistlərə açıqlamasında Gürcüstanın İqtisadiyyat naziri Georgi Kobuliya deyib.
“Biz istəmirik ki, monopol vəziyyət yaransın və yeganə tədarükçü Azərbaycan olsun. İstəyirik ki, Azərbaycan tədarükçü olaraq qalsın, amma qazın bir hissəsini də Rusiyadan alaq. Bizim əhali və şirkətlərimiz bundan böyük fayda götürəcəklər. Minimal rəqabət yaranacaq və bu, qiymətlərdə özünü göstərəcək”, – deyə o bildirib.
Onun sözlərinə görə, “Qazprom”la razılaşmanın imzalanması prosesində enerji müstəqilliyi və təhlükəsizliyi məsələləri nəzərə alınacaq.
O, Gürcüstanın Rusiyadan bir qədər çox qaz alacağı halda yerli bazarda diversifikasiyanın güclənəcəyini bildirib.
Tarix
2019.02.19 / 14:00
|
Müəllif
İlkin Həsənov
|