Ana səhifə İqtisadiyyat |
Avropa Azərbaycan qazını 2020-ci ilin yayında qəbul edəcək.
Bu sözləri Axar.az-a Prezident İlham Əliyevin Cənub Qaz Dəhlizi Məşvərət Şurası çərçivəsində nazirlərin V toplantısındakı nitqini şərh edən Neft Araşdırmaları Mərkəzinin rəhbəri İlham Şaban deyib. Ekspert bildirib ki, Cənub Qaz Dəhlizi enerji şaxələndirilməsi layihəsidir:
“Enerji resurslarının şaxələndirilməsi istehsalçı, istehlakçı və tranzit ölkələr üçün çox vacibdir. Cənub Qaz Dəhlizi dörd elementdən ibarətdir və onlardan üçü artıq istifadə olunur: TANAP, TAP və “Şahdəniz 2”. Belə ki, ötən il iyulun 28-də “Şahdəniz 2” layihəsi üzrə qaz hasilatı həyata keçirilməyə başladı. Artıq 1 milyard kubmetr kommersiya qazı Türkiyə bazarına ixrac edilir. Avropa Komissiyasının nümayəndəsindən əldə etdiyim məlumata görə, Avropa Azərbaycan qazını 2020-ci ilin yayında qəbul edəcək”.
İ.Şaban layihənin kommersiya tərəfli ilə bağlı önəmli bir məqama da diqqət çəkib:
“Enerji layihələri gerçəkləşdirilən zaman dünya bazarında neft qiymətlərinin aşağı olması Azərbaycan və tərəfdaşlarının xeyrinə oldu. Belə ki, xidmət işləri və metalın qiyməti bir qədər ucuzlaşdı. Bunun nəticəsində də maliyyə üzrə investisiya 40 milyardı ötmədi”.
Tarix
2019.02.20 / 23:06
|
Müəllif
Aygün Yusibova
|