"Neftin qiyməti 40 dollara düşsə belə, ölkəni ən yaxşı şəkildə idarə edə bilərik".

Axar.az xəbər verir ki, bu açıqlama ilə İran prezidentinin köməkçisi İshaq Cahangiri çıxış edib. O, neftin qiymətinin bilərəkdən düşürüldüyünü bildirib:

"Neftin qiymətinin bu qədər düşməsi normal görünən bir şey deyil. Bu, sadəcə, siyasi tələdir. Bunun Rusiyaya qarşı olduğunu deyirlər. Lakin önəmli olan bunun böyük bir tələ olmasıdır. Neftin qiyməti 40 dollara düşsə belə, ölkəni ən yaxşı şəkildə idarə edə bilərik".

Cahangiri İranın əvvəllər gündəlik 2 milyon 100 min barel neft satdığını, ancaq ölkəsinə qarşı tətbiq edilən sanksiyalara görə, bu rəqəmi 1 milyona endirdiklərini açıqlayıb. O, gələn il dövlət büdcəsi üçün neftin qiymətini 70 dollardan hesablayacaqlarını bildirib.