Yunanıstanın yeni hökuməti borc görüşmələrini reallaşdırmaq üçün ABŞ-ın "Lazard" bankı ilə müqavilə imzalayıb.

Axar.az xəbər verir ki, bankın Yunanıstan dövlətinin sözçüsü kimi işə başlamasını Avropa Mərkəzi Bankı da təsdiq edib.

Avropa Mərkəzi Bankının idarə heyətinin üzvü Erkki Liikanenin verdiyi məlumata görə, bu aydan etibarən Yunanıstana borc verilməyəcək:

"Bizim daxili qanunvericiliyimiz, qanunlarımız var. Və buna görə hərəkət edirik. Yunanıstan proqramı fevral ayında bitir. Hökumət problemin həllini tapmağa məcburdur. Yoxsa bu ölkəyə bir daha borc verməyəcəyik".

Bu arada Almaniya Kansleri Angela Merkel başda olmaqla AB ölkələrinin liderləri Yunanıstanın borclarının getdikcə artdığını və bu səbəbdən yeni kredit ayrılmayacağını açıqlayıb.