Neftin qiymətinin uzunmüddətli fasilədən sonra artması Rusiya maliyyə bazarında bayram əhval-ruhiyyəsi yaradıb.

Axar.az xəbər verir ki, "Brent" markalı neftin 1 barreli son iki gündə 45 dollardan 56,97 dollara yüksəlib. Ekspertlərin fikrincə, bu rəqəmin 60 dollara qədər qalxması gözlənilir.

Ukrayna böhranı, Qərb ölkələrinin sanksiyaları və rublda devalivasiya səbəbindən çətin günlər yaşayan Rusiya maliyyə bazarına neftin sürətli şəkildə qiymət artımı müsbət təsir edib.

Qeyd edək ki, neftin bahalaşması ilə hazırda rubl da güclənib. Rusiya Mərkəzi Bankı fevralın 4-ü üçün dollar və avronun satış qiymətini açıqlayıb. Bir dollar bugünə nisbətən 1.9 rubl ucuzlaşaraq 67,8 rubla, avro isə 2 rubl ucuzlaşaraq 76.8 rubla düşüb.