Almaniya Xarici İşlər Nazirliyi Berlində Gürcüstan vətəndaşının qətlə yetirilməsi ilə bağlı rusiyalı səfir Sergey Neçayevə nota təqdim edib.

Axar.az xəbər verir ki, bu məlumatı öz mənbələrinə istinadən “Şpigel” yayıb.

Daha əvvəl Almaniya tərəfi Rusiya səfirliyinin iki əməkdaşının ölkədən çıxarılması barədə qərar qəbul edib.

Rusiya XİN Moskvanın buna cavab olaraq kompleks tədbirlər həyata keçirəcəyini vurğulayıb.

Almaniya Federativ Respublikasının Baş Prokurorluğu Rusiyanın Berlindəki qətldə əlinin olması barədə kifayət qədər sübutlarının olduğunu, Kreml isə bu ehtimalların tamamilə əsassız olduğunu bildirib.

Qeyd edək ki, çeçen əsilli səhra komandiri Zəlimxan Xanqoşvili avqustun 23-də Berlində qətlə yetirilib.