Çinin araşdırma şirkəti 2014-cü ildə dünyadakı milyarder sayının 22 faiz artdığını açıqlayıb. Məlum olub ki, yer üzündə 2 min 869 milyarder yaşayır.

Publika.az xəbər verir ki, Bill Qeyts, Karlos Slim və Uarren Buffettin sərvətinin birgə həcmi əvvəlki illərlə müqayisədə 52 milyard dollar artıb. Hazırda hər üç iş adamının sərvətinin cəmi 244 milyard dollar təşkil edir.

Bill Qeytsin sərvəti 85 milyard dollara çatıb. Slimin sərvəti 83 milyard dollar, Buffettin isə 76 milyard dollar təşkil edib.

2 min 869 milyarderdən 869 nəfərinin sərvətində eniş baş verib. Dünya milyarderlərinin sərvəti 6,7 trilyon dollara düşüb. Ən böyük zərbə rus milyarderlərinə dəyib. Rusiyalı iş adamlarının fərdi sərvətlərində cəmi 60 faiz eniş baş verib.