Ana səhifə İqtisadiyyat |
ABŞ Energetika Nazirliyinin Enerji İnformasiya İdarəsinin (EİA) dekabr ayında enerji bazarının icmalında dərc edilmiş proqnoza görə, 2019-cu ildə Azərbaycanda neft və kondensat hasilatı gündə orta hesabla 0,79 milyon barrel təşkil edəcək.
Axar.az Trend-ə istinadla xəbər verir ki, EİA-nın göstəricilərinə görə, 2019-cu ilin dördüncü rübündə hasilatın gündə 0,76 milyon barrel təşkil edəcəyi gözlənilir.
Azərbaycanda neft və kondensat hasilatının 2020-ci il üçün rüblük proqnozu belədir: 2020-ci ilin birinci və ikinci rüblərində gündə 0.77 milyon barrel və 0.76 milyon barrel, üçüncü və dördüncü isə gündə 0.75 milyon barrel.
2018-ci ildə isə Azərbaycanda neft və kondensat hasilatının həcmi gündə 0,81 milyon barrel təşkil edib.
Qeyd edək ki, Azərbaycanda neft hasilatının əsas həcmi "Azəri Layt" markalı yüngül neft hasil edən "Azəri-Çıraq-Günəşli" dəniz yataqları blokunun payına düşür.
Tarix
2019.12.15 / 11:56
|
Müəllif
Axar.az
|