"Neftin qiymətinin düşməsi dünya iqtisadiyyatının inkişafına səbəb olacaq".

Axar.az xəbər verir ki, bu sözlər İstanbulda G20 sammiti ölkələrinin Maliyyə nazirləri və Mərkəzi Bank rəhbərlərinin görüşündə qəbul edilmiş qərarda yer alıb.

Qərarda neftin qiymətinin düşməsinə əsas səbəbin tələbat və təklif faktorlarının olması göstərilib:

"Neftin qiymətinin düşməsi xüsusilə idxalçı ölkələrin alıcılıq qabiliyyətini yüksəldəcək və bu da inflyasiyanın tempinin aşağı düşməsinə təzyiq edəcək. Lakin bütün bunlar müvəqqəti olacaq. Biz qeyd edirik ki, neftin qiymətinin düşməsi bir sıra ölkələrə öz vergi siyasətinə yenidən nəzər yetirməyə imkan verəcək".