"Bank VTB" Azərbaycanda daha bir filial açıb.

Axar.az xəbər verir ki, Rusiyanın "Bank VTB" bankı Bakıda "Neftçilər" filialının açılışı keçirilib. "Neftçilər" filialı əhalinin sıx məskunlaşdığı yerlərdən birində - Qara Qarayev 53 ünvanında, "Neftçilər" metro stansiyasının çıxışında yerləşir. Yeni ofisin açılış mərasimində "Bank VTB Azərbaycan"ın İdarə Heyətinin və Müşahidə Şurasının üzvləri, "AtaHolding" nümayəndəsi, Rusiya Federasiyasının Azərbaycandakı fövqəladə və səlahiyyətli səfiri Vladimir Doroxin də iştirak edib.

İdarə Heyətinin sədri qeyd edib ki, filial şəbəkəsinin genişləndirilməsi istiqamətində fəaliyyətlərini davam etdirəcəklər. Bankın bu il əsas məqsədi regionlarda da filialların açılmasıdır.

Qeyd edək ki, "Bank VTB Azərbaycan" ASC "VTB Bank" ASC-nin törəmə bankıdır. "Bank VTB Azərbaycan" ASC-nin səhmdarları "VTB Bank" ASC və "AtaHolding" ASC-dir.