17:24

“Lukoyl” bu gün Azərbaycanın iki dəniz blokuyla bağlı SOCAR-la müqavilə imzalamağı planlaşdırır.

Axar.az xəbər verir ki, bunu jurnalistlərə açıqlamasında “Lukoyl”un prezidenti Vahid Ələkbərov deyib.

“Biz bəzi layihələri müzakirə edirik. Bu, Naxçıvan bloku və Abşeronun şimalında keçid zonasıdır. Bizim geoloqlar onları perspektivli sayır. Bu gün SOCAR-la tədqiqatla bağlı danışıqlar aparacağıq”, – deyə o bildirib.

***

Bu gün İsveçrənin Davos şəhərində Dünya İqtisadi Forumu çərçivəsində Azərbaycan Dövlət Neft Şirkətinin (SOCAR) prezidenti Rövnəq Abdullayev ilə “Lukoyl” şirkətinin prezidenti Vahid Ələkbərov arasında görüş keçirilib.

Görüşdə bir sıra maraq doğuran məsələlər müzakirə edilib.

Görüşün yekununda SOCAR və “Lukoyl” şirkətləri arasında bir sıra sahələrdə qarşılıqlı əməkdaşlığı özündə ehtiva edən memorandum imzalanıb.