"DəmirBank" "Energocredit" layihəsi çərçivəsində müştərilərinə sərfəli "Energocredit"ləri təklif edir.

Bankın İctimaiyyətlə Əlaqələr üzrə mütəxəssisi Təhminə Paşayevanın Axar.az-a verdiyi məlumata görə, bu layihə çərçivəsində müştərilər daha səmərəli texniki məişət avadanlıqları əldə etməklə, enerjiyə ödədikləri vəsaitə qənaət edə biləcəklər. "Energocredit" həm də müştərilərə məhsul dəyərinin 10 faizini nəğd şəklində geri almaq imkanı verir.

Qeyd edək ki, "DəmirBank" "Avropa Yenidənqurma və İnkişaf Bankı" (AYİB) tərəfindən tətbiq edilən "Energokredit" layihəsinə ötən ilin sentyabr ayından qoşulub. AYİB layihəni gerçəkləşdirmək üçün "DəmirBank"a 5 milyon ABŞ dolları ayırıb.