Amerikanın maliyyə analitiki və şərhçisi Qari Şillinq neftin qiymətinin 20, hətta 10 dollara qədər düşəcəyini açıqlayıb.

Axar.az xəbər verir ki, Şillinq açıqlamasında neft qiymətlərindəki ucuzlaşmanın hələ 2014-cü ilin iyun ayından başladığını vurğulayıb. O, neftin qiymətinin 107 dollardan 50 dollara düşdüyünü və bu qiymətin hələ 20-10 dollara qədər enə biləcəyini söyləyib:

"ABŞ xam neft hasilatının miqdarını gələn il üçün gün ərzində 300 min barrel olmaqla 9.1 milyon nəzərdə tutub. Kürdlərin və İraqın fəaliyyətini də nəzərə alsaq, gün ərzində daha 550 min barrelin əlavə neftin bazara daxil olacağını söyləmək olar".

Onun sözlərinə görə, OPEK-in neft hasilatı ilə bağlı proqnozlarından belə nəticə çıxarmaq olar ki, neftin qiyməti hələ çox düşəcək. Buna səbəb isə neftə olan tələbin az, təchizatın (ehtiyatın) isə artıq olmasıdır.