Dünya bazarında neftin qiyməti yenidən 60 dolları ötüb.

Axar.az "Bloomberg"ə istinadən xəbər verir ki, birjalarda "Brent" markalı neftin bir barrelinin qiyməti 0,86 faiz və ya 0,52 dollar bahalaşaraq 60,73 dollara satılıb.

Dünya bazarında WTI (West Texas Intermediate) markalı neftin bir barreli isə 1,35 faiz və yaxud 0,69 dollar bahalaşaraq 51,85 dollar olub.

Qeyd edək ki, son günlərdə ABŞ rəsmilərinin ölkənin neft ehtiyatlarının artması ilə bağlı açıqlamasından sonra dünya bazarında neftin qiyməti ucuzlaşmışdı.