"Qazprombank və VTB banka Milli Rifah Fondundan investisiya proqramları üçün pulun ayrılması bu ilin ikinci rübündə ola bilər".

Axar.az xəbər verir ki, bu açıqlama ilə Rusiya Maliyyə nazirinin müavini Aleksey Moiseyev çıxış edib.

O, banklara yardımla bağlı sxemin dəyişmədiyini və investisiya layihələri üçün əvvəlcədən söylənilən maliyyənin veriləcəyini bildirib.

Qeyd edək ki, Rusiyanın anti-böhran planına əsasən, dövlət layihələrin maliyyələşdirilməsini banklar vasitəsilə həyata keçirməli və bunun üçün Milli Rifah Fondundan 250 milyard rubl ayırmalıdır. Bu niyyətlə əsas iki bank seçilib - Qazprombank və VTB bank. Milli Rifah Fondu həmçinin VTB banka keçən il 100 milyard rublu yönəltmişdi.

Onu da xatırladaq ki, VTB bankda Azərbaycan Neft Fondunun səhmləri var.