Neftin bir barrelinin qiyməti 20 dollara qədər ucuzlaşa bilər.

Axar.az xəbər verir ki, bu açıqlama ilə Rusiyanın sabiq maliyyə naziri Aleksey Kudrin Mahaçkalada mətbuat konfransı zamanı bildirib.

Kudrin qeyd edib ki, neftin ucuzlaşması qısamüddətli olacaq.

Qeyd edək ki, Rusiya Maliyyə Nazirliyi neftin qiymətinin 60 dollardan aşağı olacağı təqdirdə Rusiyanın hər il 180 milyard dollar itirəcəyini açıqlamışdı.

Xatırladaq ki, ötən gün birjalarda "Brent" markalı neftin bir barrelinin qiyməti 0,86 faiz və ya 0,52 dollar bahalaşaraq 60,73 dollara satılmışdı. Dünya bazarında WTI (West Texas Intermediate) markalı neftin bir barreli isə 1,35 faiz və yaxud 0,69 dollar bahalaşaraq 51,85 dollar olmuşdu.